Ce Pomponius Atticus à qui Cicero escrit, estant malade, feit appeller Agrippa son gendre, et deux ou trois aultres de ses amis; et leur dict qu'ayant essayé qu'il ne gaignoit rien à se vouloir guarir, et que tout ce qu'il faisoit pour alonger sa vie, alongeoit aussi et augmentoit sa douleur, il estoit deliberé de mettre fin à l'un et à l'aultre, les priant de trouver bonne sa deliberation, et au pis aller, de ne perdre point leur peine à l'en destourner. Or ayant choisy de se tuer par abstinence, voylà sa maladie guarie par accident: ce remede, qu'il avoit employé pour se desfaire, ́le remet en santé. Les medecins et ses amis faisants feste d'un si heureux evenement, et s'en resiouïssants avecques luy, se trouverent bien trompez; car il ne leur feut possible pour cela de luy faire changer d'opinion, disant qu'ainsi comme ainsi luy falloit il, un iour, franchir ce pas, et qu'en estant si avant, il se vouloit oster la peine de recommencer une aultre fois 1. Cettuy cy ayant recogneu la mort tout à loisir, non seulement ne se descourage pas au ioindre, mais il s'y acharne; car estant satisfaict en ce pourquoy il estoit entré en combat, il se picque par braverie d'en veoir la fin : c'est bien loing au delà de ne craindre point la mort, que de la vouloir taster et savourer. L'histoire du philosophe Cleanthes est fort pareille. Les gengives luy estoient enflees et pourries; les medecins luy conseillerent d'user d'une grande abstinence : ayant ieusné deux iours, il est si bien amendé qu'ils luy declarent sa guarison, et permettent de retourner à son train de vivre accoustumé ; luy, au rebours, goustant desia quelque doulceur en cette defaillance, entreprend de ne se retirer plus arriere, et franchit le pas qu'il avoit fort advancé'.

Tullius Marcellinus, ieune homme romain, voulant anticiper l'heure de sa destinee, pour se desfaire d'une maladie qui le gourmandoit plus qu'il ne vouloit souffrir, quoy que les medecins luy en promissent guarison certaine, sinon si soubdaine, appella ses amis pour en deliberer : les uns, dict Seneca, luy donnoient le conseil que par lascheté ils eussent prins pour eulx mesmes; les aultres, par flatterie, celuy qu'ils pensoient luy debvoir estre plus agreable; mais un stoïcien luy dict ainsi : « Ne te travaille pas, Marcellinus, « comme si tu deliberois de chose d'importance : << ce n'est pas grand' chose que vivre; tes valets « et les bestes vivent: mais c'est grand' chose de ✩ mourir honnestement, sagement, et constam

1 CORN. NÉPOS, Vie d'Atticus, c. 22. C.

⚫ DIOGÈNE LAERCE, VIII, 176. C.

«ment. Songe combien il y a que tu fois mesme « chose, manger, boire, dormir; boire, dormir « et manger: nous rouons' sans cesse en ce a cercle. Non seulement les mauvais accidents « et insupportables, mais la satieté mesme de « vivre donne envie de la mort. » Marcellinus n'avoit besoing d'homme qui le conseillast, mais d'homme qui le secourust: les serviteurs craignoient de s'en mesler; mais ce philosophe leur feit entendre que les domestiques sont souspeçonnez lors seulement qu'il est en doubte si la mort du maistre a esté volontaire: aultrement qu'il seroit d'aussi mauvais exemple de l'empescher, que de le tuer; d'autant que

Invitum qui servat, idem facit occidenti 2.

Aprez il advertit Marcellinus qu'il ne seroit pas messeant, comme le dessert des tables se donne aux assistants, nos repas faicts, aussi la vie finie, de distribuer quelque chose à ceulx qui en ont esté les ministres. Or estoit Marcellinus de courage franc et liberal: il feit despartir quelque somme à ses serviteurs, et les consola. Au reste, il n'y eut besoing de fer ny de sang; il entreprint de s'en aller de cette vie, non de s'enfuyr; non d'eschapper à la mort, mais de l'essayer. Et pour se donner loisir de la marchander, ayant quitté toute nourriture, le troisiesme iour suyvant, aprez s'estre faict arrouser d'eau tiede, il defaillit peu à peu, et non sans quelque volupté, à ce qu'il disoit 3.

De vray, ceulx qui ont eu ces defaillances de tir aulcune douleur, ains plustost quelque plaisir, cœur qui prennent par foiblesse, disent n'y senVoylà des morts estudiees et digerees. comme d'un passage au sommeil et au repos.

Mais à fin que le seul Caton peust fournir à tout exemple de vertu, il semble que son bon destin lui feit avoir mal en la main dequoy il se donna le coup, à ce qu'il eust loisir d'affronter la mort et de la colleter, renforceant le courage au dangier, au lieu de l'amollir. Et si c'eust esté siette, c'eust esté deschirant tout ensanglanté ses à moy de le representer en sa plus superbe asentrailles, plustost que l'espee au poing, comme feirent les statuaires de son temps: car ce second meurtre feut bien plus furieux que le premier.

CHAPITRE XIV.
Comme nostre esprit s'empesche soy mesme.

C'est une plaisante imagination, de concevoir un esprit balancé iustement entre deux pareilles envies car il est indubitable qu'il ne prendra iamais party, d'autant que l'application et le chois porte inegualité de prix; et qui nous logeroit entre la bouteille et le iambon, avecques egual appetit de boire et de manger, il n'y auroit sans doubte remede que de mourir de soif et de faim '. Pour pourveoir à cet inconvenient, les stoïciens 2, quand on leur demande d'où vient en nostre ame l'eslection de deux choses indifferentes, et qui faict que d'un grand nombre d'escus nous en prenions plustost l'un que l'aultre, estants touts pareils, et n'y ayant aulcune raison qui nous incline à la preference, respondent que ce mouvement de l'ame est extraordinaire et desreiglé, venant en nous d'une impulsion estrangiere, accidentale et fortuite. Il se pourroit dire, ce me semble, plustost, que aulcune chose ne se presente à nous, où il n'y ait quelque difference, pour legiere qu'elle soit; et que, ou à la veue ou à l'attouchement, il y a tousiours quelque chois qui nous tente et attire, quoy que ce soit imperceptiblement: pareillement qui presupposera une fiscelle egualement forte par tout, il est impossible de toute impossibilité qu'elle rompe; car par où voulez vous que la faulsee commence? et de rompre par tout ensemble, il n'est pas en nature. Qui ioindroit encores à cecy les propositions geometriques qui concluent par la certitude de leurs demonstrations, le contenu plus grand que le contenant, le centre aussi grand que sa circonference, et qui trouvent deux lignes s'approchants sans cesse l'une de l'aultre, et ne se pouvants iamais ioindre, et la pierre philosophale, et quadrature du cercle, où la raison et l'effect sont si opposites; en tireroit à l'adventure quelque argument pour secourir ce mot hardy de Pline, solum certum nihil esse certi, et homine nihil miserius aut superbius3.

1 Voyez BAYLE, à l'article Buridan, Rem. C.

2 PLUTARQUE, dans les Contredicts des philosophes stoïques, 24. C.

3 Il n'y a rien de certain que l'incertitude, et rien de plus misérable et plus fier que l'homme. PLINE, Nat. Hist. II, 7.

- C'est ainsi que Montaigne traduit ce passage dans sa première édition, Bourdeaux, 1580. C.

CHAPITRE XV.

Que nostre desir s'accroist par la mal aysance.

I

Il n'y a raison qui n'en aye une contraire, dict le plus sage party des philosophes. Ie remaschoy tantost ce beau mot qu'un ancien allegue pour le mespris de la vie, « Nul bien ne nous peult apporter plaisir, si ce n'est celuy à la perte duquel nous sommes preparez 2; » in æquo est dolor amissæ rei, et timor amittenda; voulant gaigner par là la fruition de la vie ne nous peult que estre vrayement plaisante, si nous sommes en crainte de la perdre. Il se pourroit toutesfois dire, au rebours, que nous serrons et embrassons ce bien d'autant plus estroict et avecques plus d'affection, que nous le veoyons, nous estre moins seur, et craignons qu'il nous soit osté: car il se sent evidemment, comme le feu se picque à l'assistance du froid, que nostre volonté s'aiguise aussi par le contraste :

Si nunquam Danaen habuisset ahenea turris, Non esset Danae de Jove facta parens 3; et qu'il n'est rien naturellement si contraire à nostre goust, que la satieté qui vient de l'aysance; ny rien qui l'aiguise tant, que la rareté et difficulté : omnium rerum voluptas ipso, quo debet fugare, periculo crescit 4.

Galla, nega; satiatur amor, nisi gaudia torquent 5. Pour tenir l'amour en haleine, Lycurgue ordonna que les mariez de Lacedemone ne se pourroient practiquer qu'à la desrobbee, et que ce seroit pareille honte de les rencontrer couchez ensemble qu'avecques d'aultres. La difficulté des assignations, le dangier des surprinses, la honte du lendemain,

Et languor, et silentium, et latere petitus imo spiritus 7,

c'est ce qui donne poincte à la saulce. Combien de ieux tres lascifvement plaisants naissent de

1 Remascher, au figuré, c'est repasser plusieurs fois dans son esprit. E. J.

2 SÉNÈQUE, Epist. 4. La phrase suivante est aussi de SÉNÈQUE, Epist. 98: le chagrin d'avoir perdu une chose, et la crainte de la perdre, affectent également l'esprit.

3 Si Danaé n'eut pas été renfermée dans une tour d'airain, jamais elle n'eût donné un fils à Jupiter. OVIDE, Amor. II, 19, 27.

4 Le plaisir, en toutes choses, reçoit un nouvel attrait du péril même qui devrait nous en éloigner. SÉNÈQUE, de Bene fic. VII, 9.

5 Galla, refuse-moi : l'amour se rassasie bientôt, si le plai sir n'est mêlé de tourment. MARTIAL, IV, 37.

6 PLUTARQUE, Vie de Lycurgue, c. II. J. V. L.

7 Et la langueur, et le silence, et les soupirs tirés du fond du cœur. HOR. Epod. XI, 9.

l'honneste et vergongneuse maniere de parler des ouvrages de l'amour! La volupté mesme cherche à s'irriter par la douleur : elle est bien plus sucree quand elle cuict, et quand elle escorche. La courtisane Flora disoit n'avoir iamais couché avecques Pompeius, qu'elle ne luy eust faict porter les marques de ses morsures'.

Quod petiere, premunt arcte, faciuntque dolorem
Corporis, et dentes inlidunt sæpe labellis.....
Et stimuli subsunt, qui instigant lædere id ipsum,
Quodcumque est, rabies unde illæ germina surgunt 2.

Il en va ainsi par tout; la difficulté donne prix aux choses ceulx de la Marque d'Ancone 3 font plus volontiers leurs vœus à sainct lacques 4, et

ceulx de Galice à Nostre Dame de Lorete: on faict au Liege grande feste des bains de Luques; et en la Toscane, de ceulx d'Aspa: il ne se veoid gueres de Romains en l'eschole de l'escrime à Rome, qui est pleine de François. Ce grand Caton se trouva aussi bien que nous desgousté de sa femme 6 tant qu'elle feut sienne, et la desira quand elle feut à un aultre. I'ay chassé au haras un vieux cheval, duquel, à la senteur des iuments, on ne pouvoit venir à bout: la facilité l'a incontinent saoulé envers les siennes ; mais envers les estrangieres et la premiere qui passe le long de son pastis, il revient à ses importuns hennissements et à ses chaleurs furieuses, comme devant. Nostre appetit mesprise et oultrepasse ce qui luy est en main, pour courir aprez ce qu'il n'a pas :

Transvolat in medio posita, et fugientia captat 7. Nous deffendre quelque chose, c'est nous en don

ner envie :

Nisi tu servare puellam

Incipis, incipiet desinere esse mea :

' PLUTARQUE, Vie de Pompée, c. I. C.

a Ils serrent avec fureur l'objet de leurs désirs; ils le blessent, et d'une dent cruelle impriment sur ses lèvres des baisers douloureux.... ils sont animés par de secrets aiguillons contre l'objet qui allume la fureur de leurs transports. LUCRÈCE, IV, 1073.

3 La Marche d'Ancóne, en Italie, où est Notre-Dame de Lorette. C.

4 Saint-Jacques de Compostelle, en Galice. C.

5 A Liége, ou aux eaux de Spa, près de Liége, appelées fci par Montaigne les bains d'Aspa. C.

6 Marcia, fille de Marcius Philippus. Montaigne ajoute ici quelque chose au récit de Plutarque ( Caton d'Utique, c. 7): il suppose que Caton la desira quand elle feut à un aultre, sans doute parce qu'il se hata de la reprendre après la mort d'Hortensius, à qui il l'avait prêtée (ibid. c. 15). César lui en avait fait aussi de vifs reproches dans son Anti-Caton. J. V. L.

7 Il dédaigne ce qui est à sa disposition, et poursuit ce qui fuit. HOR. Sat. I, 2, 108.

8 Si tu ne fais garder ta maîtresse, elle cessera bientôt d'être à moi. OVIDE, Amor. II, 19, 47.

nous l'abbandonner tout à faict, c'est nous en engendrer mespris. La faulte et l'abondance retumbent en mesme inconvenient :

Tibi quod superest, mihi quod defit, dolet1. Le desir et la iouïssance nous mettent pareillement en peine. La rigueur des maistresses est ennuyeuse; mais l'aysance et la facilité l'est, à vray dire, encores plus : d'autant que le mescontentement et la cholere naissent de l'estimation en quoy nous avons la chose desiree, aiguisent l'amour, et le reschauffent; mais la satieté engendre le desgoust; c'est une passion mousse, hebetee, lasse et endormie.

Si qua volet regnare diu, contemnat amantem 2.
Contemnite, amantes :

Sic hodie veniet, si qua negavit heri 3. Pourquoy inventa Poppea de masquer les beaultez de son visage, que pour les rencherir à ses amants 4? Pourquoy a lon voilé iusques au dessoubs des talons ces beaultez que chascune desire monstrer, que chascun desire veoir? Pourquoy couvrent elles de tant d'empeschements, les uns sur les aultres, les parties où loge principalement nostre desir et le leur? et à quoy servent ces gros bastions dequoy les nostres viennent d'armer leurs flancs, qu'à leurrer nostre appetit 5, et nous attirer à elles en nous esloingnant?

Et fugit ad salices, et se cupit ante videri 6.
Interdum tunica duxit operta moram 7.

A quoy sert l'art de cette honte virginale, cette froideur rassise, cette contenance severe, cette profession d'ignorance des choses qu'elles sçavent mieulx que nous qui les en instruisons, qu'à nous accroistre le desir de vaincre, gourmander et fouler à nostre appetit, toute cette cerimonie et ces obstacles? car il y a non seulement du plaisir, mais de la gloire encores, d'affolir et des

Tu te plains de ton superflu, et moi de mon indigence. TÉRENCE, Phorm. act. I, sc. 3, v. 9.

2 Voulez-vous régner longtemps sur votre amant, dédaignez ses prières. OVIDE, Amor. II, 19, 33.

3 Amants, faites les dédaigneux : celle qui vous refusa hier viendra elle-même s'offrir à vous. PROPERCE, II, 14, 19. 4 Rarus in publicum egressus; idque velata parte oris, ne satiaret adspectum, vel quia sic decebat. TACITE, Annal. XIII,.45.

5 Par la difficulté, comme ajoute l'édition in-4° de 1588, fol. 263.

6 La bergère court se cacher entre les saules, mais auparavant elle veut être aperçue. VIRG. Eclog. III, 35.

7 Souvent elle a opposé sa robe à mes impatients désirs. PROPERCE, II, 15, 6.

8 De porter à une gaieté licencieuse cette molle douceur. Affolir, rendre fou, badin. C'est sans doute dans ce sens-là que Montaigne emploie ici ce mot, quí, du reste, ne se trouve dans aucun de nos vieux dictionnaires. C.

baucher cette molle doulceur et cette pudeur enfantine, et de renger à la mercy de nostre ardeur une gravité froide et magistrale: c'est gloire, disent ils, de triumpher de la modestie, de la chasteté et de la temperance; et qui desconseille aux dames ces parties là, il les trahit, et soy mesme. Il fault croire que le cœur leur fremit d'effroy, que le son de nos mots blece la pureté de leurs aureilles, qu'elles nous en haïssent, et s'accordent à nostre importunité d'une force forcee. La beauté, toute puissante qu'elle est, n'a pas dequoy se faire savourer sans cette entremise. Veoyez en Italie, où il y a plus de beaulté à vendre, et de la plus fine, comment il fault qu'elle cherche d'aultres moyens estrangiers et d'aultres arts pour se rendre agreable; et si, à la verité, quoy qu'elle face, estant venale et publicque, elle demeure foible et languissante : tout ainsi que, mesme en la vertu, de deux effects pareils, nous tenons neantmoins celuy là le plus beau et plus digne, auquel il y a plus d'empeschement et de hazard proposé.

C'est un effect de la Providence divine de permettre sa saincte Eglise estre agitee, comme nous la veoyons, de tant de troubles et d'orages, pour esveiller par ce contraste les ames pies, et les ravoir de l'oysifveté et du sommeil où les avoit plongees une si longue tranquillité : si nous contrepoisons la perte que nous avons faicte par le nombre de ceulx qui se sont desvoyez, au gaing qui nous vient pour nous estre remis en haleine,

ressuscité nostre zele et nos forces à l'occasion de ce combat, ie ne sçay si l'utilité ne surmonte point le dommage.

Nous avons pensé attacher plus ferme le noeud de nos mariages, pour avoir osté tout moyen de les dissouldre; mais d'autant s'est desprins et relasché le nœud de la volonté et de l'affection, que celuy de la contraincte s'est estrecy: et au rebours, ce qui teint les mariages, à Rome, si long temps en honneur et en seureté, feut la liberté de les rompre qui vouldroit; ils gardoient mieulx leurs femmes, d'autant qu'ils les pouvoient perdre; et en pleine licence de divorces, il se passa cinq cents ans, et plus, avant que nul s'en servist '.

Quod licet, ingratum est; quod non licet, acrius urit 2. A ce propos se pourroit ioindre l'opinion d'un ancien, « Que les supplices aiguisent les vices, plustost qu'ils ne les amortissent; Qu'ils n'engen

1 Repudium inter uxorem et virum, a condita urbe usque ad vigesimum et quingentesimum annum, nullum intercessit. VALER. MAX. II, 1, 4.

2 Ce qui est permis n'a aucun attrait pour nous; ce qui est défendu irrite nos désirs. OVIDE, Amor. II, 19, 3.

ie ne sçay pas qu'elle soit vraye; mais cecy sçay ie par experience, que iamais police ne se trouva reformee par là: l'ordre et reiglement des mœurs depend de quelque aultre moyen.

2

Les histoires grecques font mention des Argippees, voysins de la Scythie, qui vivent sans verge et sans baston à offenser; que non seulement nul n'entreprend d'aller attaquer, mais quiconques'y peult sauver, il est en franchise, à cause de leur vertu et saincteté de vie; et n'est aulcun si osé d'y toucher: on recourt à eulx pour appoincter les differends qui naissent entre les hommes d'ailleurs. Il y a nation où la closture des iardins et des champs qu'on veult conserver, se faict d'un filet de coton, et se treuve bien plus seure et plus ferme que nos fossez et nos hayes. Furem signata sollicitant... Aperta effractarius præterit 3.

A l'adventure sert, entre aultres moyens, l'ay. sance, à couvrir ma maison de la violence de nos guerres civiles: la deffense attire l'entreprinse; et la desfiance, l'offense. I'ay affoibly le desseing des soldats, ostant à leur exploict le hazard, et toute matiere de gloire militaire, qui a accoustumé de leur servir de tiltre et d'excuse : ce qui est faict courageusement, est tousiours faict honnorablement, en temps où la iustice est morte. Ie leur rens la conqueste de ma maison lasche et traistresse : elle n'est closo à personne quiy hurte;

il n'y a pour toute prouvision qu'un portier, d'ancien usage et cerimonie, qui ne sert pas tant à deffendre ma porte, qu'à l'offrir plus decemment et gratieusement; ie n'ay ny garde ny sentinelle que celle que les astres font pour moy. Un gentilhomme a tort de faire monstre d'estre en def

et

fense, s'il ne l'est parfaictement. Qui est ouvert d'un costé, l'est par tout: nos peres ne penserent d'assaillir, ie dis sans batterie et sans armee, à bastir des places frontieres. Les moyens pas de surprendre nos maisons, croissent touts les iours au dessus des moyens de se garder; les es-prits s'aiguisent generalement de ce costé là : l'in vasion touche touts; la deffense non, que les riches. La mienne estoit forte selon le temps qu'elle