nances romaines, et declara qu'il suffisoit à ceux qui prenoient charge de judicature d'avoir trente ans. Servius Tullius dispensa les chevaliers qui avoient passé quarante sept ans, des corvées de la guerre: Auguste les remit à quarante et cinq. De renvoyer les hommes au sejour avant cinquante cinq ou soixante ans, il me semble n'y avoir pas grande apparence. Je serois d'avis qu'on estandît nostre vacation et occupation autant qu'on pourroit, pour la commodité publique; mais je trouve la faute en l'autre costé, de ne nous y embesongner pas assez tost. Cettuy-cy avoit esté juge universel du monde à dix et neuf ans, et veut que pour juger de la place d'une goutiere on en ait trente. Quant à moy j'estime que nos ames sont denoüées, à vingt ans, ce qu'elles doivent estre, et qu'elles peuvent tout ce qu'elles pourront. Jamais ame qui n'ait donné en cet aage la preuve bien evidente et certaine de sa force, ne la donna depuis. Les qualitez et vertus naturelles produisent dans ce terme là, ou jamais, ce qu'elles ont de vigoureux et de beau : Si l'espine nou pique quand nai, disent-ils en Dauphiné. De toutes les belles actions humaines qui sont venuës à ma connoissance, de quelque sorte qu'elles soient, je penserois en avoir plus grande part à nombrer celles qui ont esté produites, et aux siecles anciens et au nostre, avant l'aage de trente ans, que celles qui l'ont esté aprés. Quant à moy, je tien pour certain que depuis cet aage, et mon esprit et mon corps ont plus diminué qu'augmenté, et plus reculé que avancé. Il est possible qu'à ceux qui emploient bien le temps, la science et l'experience croissent avec la vie; mais la vivacité, la promptitude, la fermeté et autres parties bien plus nostres, plus importantes et essentielles, se fanissent et s'alanguissent. Ubi jam validis quassatum est viribus ævi Tantost c'est le corps qui se rend le premier à la vieillesse, par fois aussi c'est l'ame: et en ay assez veu qui ont eu la cervelle affoiblie avant l'estomac et les jambes; et d'autant que c'est un mal peu sensible à qui le souffre et d'une obscure montre, d'autant est-il plus dangereux. Pour ce coup, je me plains des loix, non pas dequoy elles nous laissent trop long temps à la besongne, mais dequoy elles nous employent trop tard. Il me semble que considerant la foiblesse de nostre vie, et à combien d'escueils ordinaires et naturels elle est opposée, on n'en devroit pas faire si grande part à la naissance, à l'oisiveté et à l'apprentissage. FIN DU LIVRE PREMIER. LIVRE PREMIER. I. Par divers moyens on III. Nos affections s'emportent au delà de nous. IV. Comme l'ame descharge ses passions sur des objects faux quand les vrais luy defaillent. V. Si le chef d'une place assiegée doit sortir pour I 346 TABLE DES CHAPITRES. XIII. Ceremonie de l'entreveuë des roys. XIV. Que le goust des biens et des maux depend en bonne partie de l'opinion que nous en avons . . . XV. On est puny pour s'opiniastrer à une place sans XVI. De la Punition de la couardise. XX. Que philosopher, c'est apprendre à mourir XXI. De la Force de l'imagination. . XXIIII. Divers evenemens de mesme conseil. XXVI. De l'Institution des enfans. A Madame 136 XXVII. C'est folie de rapporter le vray et le faux |