son usage: il y voyoit si cler, d'une apprehension si prompte, d'un jugement si sain, qu'il sembloit qu'il n'eût jamais faict autre mestier que la guerre et affaires d'Estat. Ce sont natures belles et fortes,

Queis arte benigna

Et meliore luto finxit præcordia Titan,

qui se maintiennent au travers d'une mauvaise institution. Or ce n'est pas assez que nostre institution ne nous gaste pas, il faut qu'elle nous change en mieux et qu'elle nous amende, ou elle est vaine et inutile.

Il y a aucuns de nos Parlemens, quand ils ont à recevoir des officiers, qui les examinent seulement sur la science; les autres y adjoutent encorés l'essay du sens, en leur presentant le jugement de quelque cause. Ceux cy me semblent avoir un beaucoup meilleur stile; et encore que ces deux pieces soyent necessaires et qu'il faille qu'elles s'y trouvent toutes deux, si est ce qu'à la verité celle du sçavoir est moins prisable que celle du jugement cette icy se peut passer de l'autre, et non l'autre de cette icy. Car, comme dict ce vers grec,

Ως οὐδὲν ἡ μάθησις, ἦν μὴ νοῦς παρῇ.

A quoy faire la science si l'entendement n'y est ? Pleût à Dieu que pour le bien de nostre justice ces compagnies là se trouvassent aussi bien fournies d'entendement et de conscience comme elles sont encore de science. Or il ne faut pas attacher le sçavoir à l'ame, il l'y faut incorporer; il ne l'en faut pas arrouser, il l'en

faut teindre: ne la change, et amende son premier estat imp, certainement il vaut beaucoup mieux le laisser la c'est un dangereux glaive, et qui empesche et offence so aistre mesme, s'il est en main foible et qui n'en se l'usage.

A l'adven est ce la cause que et nous et la theologie ne reuerons pas beaucoup de science aux fames, et que François, duc de Bretaigne, filz de Jean cinquiesme, comme on luy parla de son mariage avec Isabeau, fille d'Escosse, et qu'on luy adjousta qu'elle avoit esté nourrie simplement et sans aucune instruction de tres, respondit qu'il l'en aymoit mieux, et qu'une fe estoit assez sçavante quand elle sçavoit mettre drence entre la chemise et le pourpoint de son mary.

Aussi ce n'est pas si grande merveille, comme on crie, que nos ancestres n'ayent pas faict grand estat des lettres, et qu'encores aujourd'huy elles ne se trouvent que par rencontre aux principaux conseils de nos roys; et si cette fin de s'en enrichir, qui seule nous est aujourd'huy en bute, par le moyen de la jurisprudence, de la medecine, du pedantisme et de la theologie encore, ne les tenoit en credit, vous les verriez sans doubte aussi marmiteuses qu'elles furent onques. Quel dommage, puis qu'elles ne nous aprennent ny à bien penser ny à bien faire?

En cette belle institution que Xenophon preste aux Perses, nous trouvons qu'ils apprenoient la vertu à leurs enfans, comme les autres nations font les lettres. Et m'a semblé chose digne de trés-grande consideration que, en cette excellente police de Lycurgus, et à la ve

rité monstrueuse par sa perfection, si songneuse pourtant de la nourriture des enfans comme de sa principale charge, et au gitte mesmes des Muses, il s'y face si peu de mention de l'apprentissage des lettres comme si cette genereuse jeunesse, desdaignant tout autre joug que de la vertu, on luy aye deu fournir, au lieu de nos ⚫ maistres de science, seulement des maistres de vaillance, prudence et justice. La façon de leur discipline, c'estoit leur faire des questions sur le jugement des hommes et de leurs actions; et s'ils condamnoient et loüoient ou ce personnage ou ce faict, il failloit raisonner leur dire, et par ce moyen ils aiguisoient ensemble leur entendement et apprenoient la justice. Astiages, en Xenophon, demande à Cyrus conte de sa derniere leçon: « C'est, dict-il, qu'en nostre escole un grand garçon, ayant un petit saye, le donna à un de ses compaignons de plus petite taille, et lui osta son save, qui estoit plus grand. Nostre precepteur m'ayant faict juge de ce different, je jugeay qu'il falloit laisser les choses en cet estat, et que l'un et l'autre sembloit estre mieux accommodé en ce point: sur quoy il me remontra que j'avois mal fait, car je m'estois arresté à considerer la bien seance, et il falloit premierement avoir proveu à la justice, qui vouloit que nul ne fust forcé en ce qui luy appartenoit. » Et dict qu'il en fut foité, tout ainsi que nous sommes en nos villages, pour avoir oublié le premier aoriste de Túrt. Mon regent me feroit une belle harengue in genere demonstrativo avant qu'il me persuadast que son escole vaut cette là. Ils ont voulu couper chemin; et puis qu'il est ainsi que les sciences, lors mesmes qu'on les prent de droit fil, ne peuvent

que nous apprendre la prudence; la prud'hommie et la resolution, ils ont voulu d'arrivée mettre leurs enfans au propre des effects et les instruire non par ouïr dire, mais par l'essay mesmes de l'action, en les formant et moulant vifvement non seulement de preceptes et parolles, mais principalement d'exemples et d'œuvres : afin que ce ne fût pas une science en leur ame, mais sa complexion et habitude; que ce ne fût pas un acquest, mais une naturelle possession. A ce propos, on demandoit à Agesilaus ce qu'il seroit d'advis que les enfans apprinsent. « Ce qu'ils doivent faire encore estants hommes », respondit-il. Ce n'est pas merveille si une telle institution a produit des effects si admirables.

On alloit, dict-on, aux autres villes de Grece chercher des rhetoriciens, des peintres et des musiciens; mais en Lacedemone, des legislateurs, des magistrats et empereurs d'armée; à Athenes on aprenoit à bien dire, et icy à bien faire; là à se desmeler d'un argument sophistique et à rabattre l'imposture des mots captieusement entrelassez, icy à se desmeler des appats de la volupté et à rabatre d'un courage invincible les menasses de la fortune et de la mort; ceux là s'embesongnoient aprés les parolles, ceux cy aprés les choses; là c'estoit une continuelle exercitation de la langue, icy une continuelle exercitation de l'ame. Parquoy il n'est pas estrange si, Antipater leur demandant cinquante enfans pour ostages, ils respondirent, tout au rebours de ce que nous ferions, qu'ils aymoient mieux donner deux fois autant d'hommes faicts, tant ils estimoient la perte de l'education de leur païs. Quard Agesilaus convie Xenophon d'envoyer nourrir ses en

fans à Sparte, ce n'est pas pour y apprendre la rhetorique ou dialectique, mais pour apprendre (ce dict-il) la plus belle science qui soit, asçavoir la science d'obeïr et de commander.

CHAPITRE XXVI.

De l'Institution des enfans. A Madame Diane de Foix, Contesse de Gurson.

E ne vis jamais pere, pour bossé ou boiteux que fût son fils, qui laissast de l'avoüer: non pourtant, s'il n'est du tout enyvré de cet' affection, qu'il ne s'aperçoive de sa defaillance; mais tant y a qu'il est sien. Aussi moy, je voy mieux que tout autre que ce ne sont icy que resveries d'homme qui n'a gousté des sciences que la crouste premiere en son enfance, et n'en a retenu qu'un general et informe visage: un peu de chaque chose, et rien du tout, à la françoise. Car, en somme, je sçay qu'il y a une medecine, une jurisprudence, quatre parties en la mathematique, et en gros ce à quoy elles visent; mais de y enfoncer plus avant, de m'estre rongé les ongles à l'estude de Platon ou d'Aristote, ou opiniatré aprés quelque science solide, je ne l'ay jamais faict: ce n'est pas mon occupation.