LXXV.

Premier je donne ma povre ame

A la benoiste Trinité,

Et la commande à Nostre Dame

Chambre de la divinité;

Priant toute la charité

Des dignes neuf Ordres des cieulx,
Que par eulx soit ce don porté
Devant le trosne precieux.

LXXVI.

Item, mon corps je donne et laisse
A notre grant mere la terre;
Les vers n'y trouveront grant gresse:
Trop luy a fait faim dure guerre.
Or luy soit delivré grant erre:
De terre vint, en terre tourne.
Toute chose, se par trop n'erre,
Voulentiers en son lieu retourne;

LXXVII.

Item, et a mon plus que pere
Maistre Guillaume de Villon

Qui m'esté a plus doulx que mere,
Enfant eslevé de maillon,

AN EXCERPT FROM THE GRANT TESTAMENT.

Degeté m'a de maint boullon
Et de cestuy pas ne s'esioye
Et luy requiers à genoullon
Qu'il n'en laisse toute la joye.

LXXVIII.

Je luy donne ma Librairie

Et le Romman du Pet au Deable
Lequel Maistre Guy Tabarie
Grossa qui est boms veritable.
Por cayers est soubz une table,
Combien qu'il soit rudement fait
La matiere est si très notable,
Qu'elle amende tout le mesfait.

LXXIX.

Item donne à ma povre mere
Pour saluer nostre Maistresse,
Qui pour moy ot doleur amere
Dieu le scet, et mainte tristesse;
Autre Chastel n'ay ni fortresse
Où me retraye corps et ame
Quand sur moy court malle destresse
Ne ma mere, la poure femme!

THE BALLADE OF OUR LADY.

(Written by Villon for his mother.)