nom. La cause fut, pource que ledit Leon vouloit abolir ladoration des images par toute Chrestienté : disant que cestoit idolatrie, et le Pape contredisoit à ce. Parquoi deslors en auant sesleuerent grands bendes et partialitez, entre les Empereurs et Papes, qui souuent depuis ont esté renouuellees. Et pendant ces debats, les Sarrasins partans d'Afrique, entrerent en Espaigne. Et depuis lors ont possedé le Royaume de Grenade, iusques à ce que les Roy et Royne trescatholiques d'Espaigne, Ferdinand et Elisabeth (1) ont de nostre temps recouuré ledit Royaume de Grenade. Aussi vindrent des ce temps là iceux Sarrasins bien auant en France, mais ilz en furent reboutez par le trescheualereux Prince Charles Martel. Il se treuue par les histoires, que ledit Pape Gregoire septieme commanda aux Chrestiens de faire la quaresme : Ce que saint Melciades predecesseur de saint Syluestre auoit deffendu, sachant que cest vne corruption vniuerselle pour les corps humains, comme tesmoignent les Medecins.

Aucun temps apres, pour continuer les malheurs de leglise, regnant en France Pepin filz de Charles Martel, vn nommé Constantin, second de ce nom, enuahit la Papalité tyranniquement, et par force dargent et darmes et la tint aucun temps alencontre du Pape Estienne troisieme de ce nom mais finablement il en fut deietté par mesme moyen. Et apres auoir eu les yeux creuez, fut confiné et mis en exil et prison en vn monastere. Parquoy il est nombré pour le cinquieme Pape infame. Et en ce temps là, la nation des Turcs commença à sortir de Tartarie : et enuahit les terres de Lempire Oriental, et par ce poinct tous

(1) Elisabeth = Isabelle.

iours la Chrestienté se diminue (1): car dautre part, les heresies pulluloient aussi de plus en plus. Et fallut celebrer le septieme concile vniuersel à Constantinoble, alencontre de ceux qui soustenoient, que cestoit idolatrie dauoir aucunes images des saints es eglises de Chrestienté : et aussi pource, que Leglise Grecque estoit diuisee de la Latine, pour aucuns articles concernans le saint Esprit.

Conclusion de la premiere partie de ce Traicté.

Puis que par le dessus narré nostre intention est commencee à clarifier: cestasauoir, de faire preuue suffisante, comment Leglise ha esté deprauee par opulence de richesses, et mesmement (2) par la donation de Constantin : Car voicy desia le septieme schisme qui y est surueuu, et le septieme concile vniuersel, sans les autres menus, qui ha esté mestier de celebrer, pour reünir Leglise. A fin de donner meilleure elucidation au tiltre de ce Traicté, qui est de monstrer la difference des schismes et des conciles et mesmement la preeminence et vtilité des conciles de la sainte Eglise Gallicane, nous tairons le propos principal desdits schismes, et le reprendrons en la tierce partie, à fin de parler des conciles de ladite Eglise, lesquelz se commencerent à celebrer (3) enuiron le temps desdits premiers schismes.

(1) 1528 a simplement par ce point la chrestienté se diminua. D'autre part....

(2) c.-à-d. surtout, encore dans Gabriel Naudé (1667).

(3) se celebrer (1528) estre celebrez (1549). En latin, celebrare, répéter souvent.

LA SECONDE PARTIE DE CE

PRESENT TRAICTÉ. (1)

Des cinq premiers conciles de la sainte Eglise Gallicane, tenuz à Orleans, dont le tiers fut par le commandement du Roy Clouis premier Chrestien.

Les nobles historiens mettent que Clouis premier Roy Chrestien, des François, en linterualle de temps qui courut entre le quatrieme et cinquieme schisme specifiez en la premiere partie, fut aussi le premier des Roys qui feit assembler concile en la cité d'Orleans. Cestasauoir lan de nostre Seigneur, quatre cens quatre vingts et six. Regnant à Constantinoble lempereur Zenon Isauricus, et seant au siege Apostolique, le Pape Felix, troisieme de ce nom et " enuiron le temps du Roy Artus de la grand Bretaigne. Si presida audit concile vn saint Euesque, nommé Mellanius. La raison est à presupposer, que cestoit pour quelque grand bien de Leglise, et de Chrestienté.

Si nestoit ce pas le premier qui sestoit tenu audit Orleans, mais le tiers: Car le premier auoit esté du temps du Pape S. Syluestre, auquel presida leuesque Marinus: au second Aurelianus euesque au tiers le dessusnommé Mellanius. Et depuis au quart Albinus euesque d'Angers: et au cinquieme Honoratus archeuesque de Bourges, comme il appert au Decret, en la distinction quinzieme, et au chapitre, sexta Synodus.

(1) Dans les éditions antérieures, même en 1548: Cy commence la..

Du concile de leglise Gallicane et Germanique, tenu du temps de Charlemaigne Roy des François.

Iasoit ce que le païs de Francone oultre le Rhin, en Germanie, ne soit pas des appendences de Gaule, toutesuoyes le (1) Roy des François Charlemaigne, dominant sur toutes les deux langues, feit audit païs de Francone (de laquelle la cité capitale, et cathedrale, est Herbipolis) (2) assembler vn concile des Prelats, de lune et de lautre nation: cestasauoir Germanique, et Gallicane, du temps du Pape Adrian, premier de ce nom (comme met Platina) lequel concile les Grecz appellent la septieme Synode. Et illec fut condemnee lerreur Felicienne, qui soustenoit, que es eglises de Chrestienté ne doit auoir aucunes images.

Certain temps apres ledit concile, le Pape Leon troisieme de će nom, successeur dudit Adrian, vint en France vers le Roy Charlemaigne, se pleindre de loutrage qui luy auoit esté fait par trois prestres Cardinaux lun nommé Paschalis, lautre Primicerius, et le tiers Campulus, qui batirent et oultragerent vilainement ledit Pape Leon, en faisant la procession des Letanies iadis instituees par S. Gregoire. Dont ledit Roy Charlemaigne fut tresmal content. Et de fait, se tira à Romme à main armee, pour remettre ledit Pape en son siege. Parquoy il merita destre nommé Empereur et Auguste de lempire Occidental: et donna plusieurs grans biens à leglise Romaine, comme son pere Pepin auoit fait au parauant, ce que depuis leurs successeurs ont continué daugmenter.

(1) noble dans les éditions antérieures.

(2) Würzbourg.

Du grand concile tenu à Aix la Chapelle, du temps de lempereur Loys le Debonnaire, filz de Charlemaigne.

Aix la Chapelle, nommee en Latin Aquisgranum, là ou le corps de saint Charlemaigne est sepulturé, combien quon y vse de langue Germanique, si est ce toutesuoyes des pertinences de la Gaule Belgique. Or y fut celebré vn concile, duquel Platina en la vie des Papes, et Gaguin en la chronique de France, font mention, par le commandement de Loys le Debonnaire Empereur de Romme, et Roy de France, auquel sasssemblerent tous les Princes et Prelats de sa subiection en la presence duquel concile il eslut, et establit pour consort et participateur de son Empire, Lothaire son filz aisné, et le couronna Roy d'Italie Pepin le second, il le nomma Roy d'Aquitaine : et Loys le tiers, Roy de Bauiere. Et comme les ambassadeurs des Sarrasins, habitans à Cesarauguste et Barcelone en Espaigne, fussent venuz luy supplier de paix audit concile, il la leur ottroya. Ausurplus ledit tresnoble et tresuertueux Prince, ordonna en ladite assemblee, estre fait vn liure de lordre et des cerimonies ecclesiastiques. Lequel il commanda estre doublé par plusieurs volumes et exemplaires, en toutes les principales citez et villes de son Empire et Royaume et que les constitutions diceluy fussent obseruees par chacun poinct.

Le personnage qui eut charge de composer ledit liure, sappelloit Amaralius (1), diacre, flourissant pour le temps dadonques, tant en estude de lettres, comme de la notice des institutions sacrees et cerimonies ecclesiastiques. Et

(1) Amalarius, dans les autres éditions.