Die provençalische Liederhandschrift Plut. XLI cod. 43 der Laurenzianischen Bibliothek in Florenz
nach der von Dr. Grüzmacher genommenen Abschrift.
Losaplez ab qeu soill
Chantar el bon talan
Agra eu qauia an tan
Mas car non trob ab cui
Nom deport nim desdui
Ni non sui benanans
Hai dieus qals dans
Sen seg e qal dampnatge
Qar cort e bons usatge
Aisi nienusaie failh
Nonna greu retenailh
Mas qar a mon sein nor platz
Bens e cant e solatz
Mes iau ab sos priuatz
E qant men sui loinnatz
Irasc ab los iratz.
Mas destrez mi destoilh
Per qe uau re garan
Si ia sallegraran
E ges a ioi non fui
Nils plazers non mesdui
Qami plaz ades chans
E gents magans
E corts e uasallatge
Jas per gal bon_lingnatge
Paire pro son mirailh
Qoi ses esperdilailh
Non ses mera barnaz
E sil pair fo lausaz
El filh se fui maluaz
Semblan tortz e peccaz
Qaiam les heretaz.
Doncs qals dreitz los acoilh
Qel fil aia autretan
De renda el prez soan
O qals razon adui
Qe miels non taing autrui
Qautreiat fo enans
Öltra mil ans
Qonors euasallatge
Donan prez e coratge
E costa e trebailh
El fil sil mieil trasailh
Non es doncs for lignaz
Eras cum non mostraz
Vos sauis qe iuiaz
Sal pros fol don donaz
Cum er dels des presaz.
Mas na lezer sim toil
Per cels qi falliran
De sollaz ni decan
Per fol tengatz celui
Qe si gasta e destrui
Nis uira malenans
Per nom soi qans
Cui iois par nesiage
Qe riccors ni parage
Er greo qi non oailh
Pois allegra soau failh
E nos cange uiaz
Doncs qeus uarra rictaz
Si ia non us allegraz
Qem peri e regnaz
E ses ioi paubretaz.
Mas las dreitz cors qeu uoilh
E desir e reblan
Ma trait dira e dafan
E si ioi mi condui
Nol sabran mais dui
Los entreseing nil mans
Qe tors es granz
E sobreran follatge
Qant per neisci mesatge
Villan e da uol tailh
Escampa del guinsailh
Nis fug bonamistaz
Mas cum sui ben gardaz
Qe non sia en col paz
Quoi non es uiu ni naz
Qe anc en fos priuaz.
Els es pleitz si macoilh
Zo qe il qerrai çan
Tan remaing al seu coman
Qa gent placers redui
Qant uos port nim desdui
Las dreitz corts benestans
Nil bel semblans
Nilamoros uisatge
Qauinens es logatge
Qant dels cor ab los oils sailh
Per qeu qi qes barailh
Ni sa pella forsaz
Miteing aben menaz
Qant los trob acordaz
Louisatge e la faz
Els dics ben enseinnaz.
Ben mera bels chantars
E plaziam deportz
Mas per us uiu rics mortz
Dont mellor uist (?) afans
Non mou flors ni uer ians
Ni canz noueus
Tant non fo beus
Logens temps nil pascors
Qem fazia socors
A solaz qera mais
Migreial pena el fais
Qant uei los filz ioues doig e sennaz
El pair del sen dels fils estar iraz.
Esi non fos tant cars
Ben uolgra esser estors
Qentrels menuz el forts
Cai bon prez e bobans
Per qun cuch far ennans
Car seinnier ni capdieus
Fai tant qe leus
Qe ço qe les honors
Oblit nisuir aillors
E nos gara uerais
Qa donc se met sauuais
Qant preng cap teing dont no amena paiz
Enom capte cels qaura am paraiz.
Uer es qe mainz afars
Saueus de so cors
Qar si uailh ni mesforz
Eu sui fols a rocans
Qar es proessa dans
E uergongnan manz leus
E uista treus
E paubrera es follors
Al sen dels ancessors
Qant auondaua iais
Non ual un ou en nais
Era qi ri ni uol auer sollatz
Noilh es grazit anç es fols apellaz.
Mas me fali cuiars
Qi mera uns graz con forts
Qentre gandas e tors
Qe sors us de senans
Enon daria us ans
Ço qem toilh us iors breus
E mos a peus
Qar es a fort seingnors
Non fa mas deshonors
Qar seu clam ni mirais
E um toilh mon dreit el bais
E serez fols si ia raçom cumtaz
Lai on sabrez qa tort serez iuiaz.
fol. 3 b.
Anc pois ses dui amars
Ni poc caber en tors
Non fo lauers conors
Pois se mes en balans
Lem post el ben estans
Lomaniar sia sieus
Qanc bos morseus
Non fo faigs pois amors
Egued loserf alors
Ni per auer sa fais
Ben conuen sia iais
Qidruz si met e cortes e presaz
E gens tenenz eben en raisonaz.
Qant creis la fresca foilla els rams
E lombra ses pers el defes
Magrada laura eltemps els mes
El gabs els ris els iois els cants
El dolz mazans
Qui creis qant sazinal maitis
Se non gandis
Mon signor conuinens amans
Fora menans
A faire un uers qui per cels fos chantaz
Cui iois e prez e corteŝia platz.
Mas non cuiera en tre nos ams
Mal ni mes cap ni tort caubes
Qe seu ticrei e tu non cres
Cum ti pusc esser fins amans
Meu es lodans
Qeu fora gais. e francs e fis
Sem consentis
Qe lesperansa el bel semblans
Me fos durans
Mas a greu er fin amistaz fol. 4 b.
Des qen sofraing tota luna meltaz.
Ecuiatz qe ço sia clams
Ni qe men rancur no faz ges
Tota marancura es merces
Si ben passal digs logarans
Non sui clamans
Mas ben uolgra qella chausis
Qe non falis
Tantes adreiza eben estan
Qel maier pan
Chaira se nol sosten uertaz
Et er a greu fis cor uas dos laz.
Ges leis non ateis loliams
Qeu cuiei qamb dos nos prezes
De me nous dic be qeus ui pres
Qades sui fins amics trians
Qeu cuich abans
Qe saspra chaptenensa uis
Quns qals qe ris
Aleuies mos maiers afans
El plus pecans
Mas des qeu ui qel cor era camiaz
Cangeral meus se tant no fos fer-
E pois del mal nom fuis lafans
E cognosc qal serial bes
Se ia men toilh faill tu non ges
Cum ia semblaria enians
Aital balans
Qom ben ames. e non sufris
Qel ben aiudal mal cen tans fol. 5 a. Ges non soans
Zo qe tu uols ni ten feingnas iraz
Qe gerra tol souen zo caduz paz.
Hai com fo petiz loreclams
Se tant prim non o conogues
Qant li plac qai sim retengues
En suforc qeu li fos comans
Em det ses gans. sas mans
Perqe miels men requis
E pois maucis
Qant mi fu ueiaire il demans
Quns dels bel trans
Non es tan ferm ni tan en segnaz
Qen aital loc non fos toz eissarraz.
E doncs aqe dirai qe mams
Si quant maura gran ben promes
Me failh e diz qeil sui mes pres
E re nom dopta ni nom blans
Non mou des mans
Qeu non uolgra qom pros pleuis
Zo dont mentis
Non taing mas al tres faiz truanz
Fals e chamians
E seu dic daizo uoill qem ereidaz
Per nom poder re man si non o faz.
Enon uoilh esser corilhans
Perqem bobanz prouez
Daizo dont autre for iraz
Qe sobretoz sen es ami clamaz.
Dun conuinent qe mes tant des loingnaz
Qen neis men fora e mos fuilha laissatz. fol. 5 b.
Giraut de bornell.
E cortesiam plaz
Mais non mes gen
Qieu sols ab cen
Qant ni mesbaudei
Qapenas uei
Qa ioi e ioc misostegna
Per qem nestraing
E sim qom plaing
Dellus de mon segnors
Qe mauia socors
Ab ioi cobrar pro mes
Mas lasperança el bes
E zo de qeu plus uailh
Misui fors del trebailh
Qar gen mazan
Sol hom far degatz dos.
Esil manz ses tardaz
Qem de gresser uiaz
Sitot uen len
Et eu laten
Non cuig mal mestei
Siben fadei
Niesper ia non uegna
Qargen bargaing
Si eu per estaing
Don mon aur per follors
Ço troba nels ac tors
Aiuda manta res
Mas er agran dan pres
Jois e demorailh
Pois si fez dautre taill
Donneis e fo saços
Com per un gan
Fra gais e ioios.
Et es gran freuoltaz
Com ben am des amaz
Ses iausimen
Per tal conuen
Qe cil segnorei
Qui ren non crei
Sies sec coma legna
E qi qes laing
Illiaçes baing
Egenza sas colors
A lui cresca dolors
Qi sen las es pres
Mas amor ges non uus pes
Qe non par ben egailh
Qieu desir e badailh
E ui ua consiros
E qella chan
Del mieu dol sas chanzos.
Pero qi qes crid dailh Non mou dela sennailh Don for enqer ioios
Sil traiz daitan
Non fos uiraz en dos.
A ben chantar con uen amars
Elocs e grazirs e sazos
Maseu agues del qatre dos
Non par ials altres es peres
Qelluoc me dona ioi ades
E las saizos pois eu sui gais
Qe ges lotemps qan lerba nais
Si ben sagenza fuilha e flors
Tan non maiuda mon chantars
Cum precs egrazir de seinors. f. 7 b.
Eper amar fu ia chantars
Grasiz e iois e prez pel pros
E fo qe sola sospeizos
Ses autres plus ab com cuges
Em seinnaua cam sen nantes
Vas tot son ben estar delais
E qes penet en manz asais
Com licregues prez e ualors
E qes chausis de mes cabar
E ti fos uils segnorils honors.
Era nom par qe castiars
Me ualgues ni clam ni tenzos
Pero non cre canc amor fos
Plus fin sol camadors trobes
E qui perdreit larazones
Tut iorn meillura e ual mais
Massi cum par fins als uerais
Sembla trafans als triccadors
E lor enian fal non camiar
Qe pos failh non es finsamors.
De castiar me soi tan pars
Qe prouez nestau cosiros
Qar uei qal poingner desperos
Non puesc tan far qe iois cobres
Pero si sos diz aueres
Mos bel seingnier lir eles mais
Qeu nai sofert me fora iais
E forz eualors e socors
E deuria se plus cochar
Qai non demand niuoilh daillors.
Don magues mandat ni somos
Asaz aportera rasos
Qe ia conuent non matendes
Ma seu li soi uerais penses
Si taing qes uolua nibiais
Qe la bona speranzam pais
E ma compaing ab cantadors
E ma faich sollaz recobrar
Don mera toz laisiaz decors.
E ges dauer nom par afars
Pos qe trabailz ni messios
Nom tolh qe non sia ioios
Qanc non parec qe ben ames
Celui cui ioi non agrades
Qanc senz ni poder cui ioi bais
Non magradet ni non matrais
Qades chai irada ric cors
E qi qe sa pareilh trop pensar
Saber eu dic qanz es follors.
De druda. car tenguda
Qes mai. ni dol non ai
Perl ioi qem ue
Qar be. cuig qen nan
Sira meilluran
Lesperansa el bes
E pois ses eniam
Lai cor de seruir
Sim degna acuilhir
Nim pren. achausimen
Da sai qi non pen
Seu iam feing
Qa son sen non reing
Segon qe sabrai
Pois cognoscerai
Qen noi amalgeing.
Ben non en. men uau meten Per sobradimen
Embruda. mentaughuda