que

leances des peres à qui lon ostoit les enfans, perçoient le cueur à Theseus : lequel se voulant soubmettre à la raison, et courir la mesme fortune feroient ses citoyens, s'offrit voluntairement à y estre envoyé sans attendre l'adventure du sort, dont ceulx de la ville estimerent grandement la gentillesse de son courage, et l'aimerent singulierement pour l'affection qu'il monstroit avoir à la communaulté mais AEgeus, après avoir essayé toutes sortes de prieres et de remonstrances, pour le cuyder divertir de ce propos, à la fin voyant qu'il n'y avoit ordre, tira au sort les autres enfans qui devoient aller quand et luy.

XX. TOUTEFOIS Hellanicus escrit, que ce n'estoient pas ceulx de la ville qui tiroient au sort les enfans que lon devoit envoyer, mais que Minos luy mesme y alloit en personne, qui les choisissoit, comme il choisit Theseus le premier, soubz les conditions accordées entre eulx, c'est à sçavoir que les Atheniens fourniroient de vaisseaux, et que les enfans s'embarqueroient quand et luy sans porter aucun baston de guerre, mais après la mort du Minotaure, que la peine de ce tribu cessa. Or paravant n'y avoit il jamais eu esperance quelconque de retour ny de salut : et pourtant avoient tousjours les Atheniens envoyé une navire pour conduire leurs enfans avecques une voile noire, en signifiance de perte toute certaine. Toutefois pour l'esperance que Theseus donnoit à son pere, se faisant fort, et promettant hardiment qu'il viendroit au dessus du Minotaure, AEgeus donna au

pilote de la navire une voile blanche, luy ordonnant qu'à son retour il tendist la voile blanche, si son filz estoit eschappé : sinon, qu'il meist la noire, pour luy monstrer de tout loing son malheur. Toutefois Simonides dit, que ceste voile que AEgeus donna au pilote n'estoit pas blanche, ains rouge, taincte en graine d'escarlate : et qu'il luy bailla pour signifier de loing leur delivrance et salut. Ce pilote avoit nom Phereclus Amarsyadas, ainsi que dit Simonides: mais Philochorus escrit, que Scirus Salaminien donna à Theseus un pilote nommé Nausitheus, et un autre marinier pour gouverner la prouë, qui avoit nom Phæas, à cause que les Atheniens pour lors n'estoient point encore duits à la marine et le feit cestuy Scirus, pourautant que l'un des enfans sur lesquelz tumba le sort, estoit son nepveu: dequoy font foy les chappelles que Theseus edifia depuis en l'honneur de Nausitheus et de Phæas au bourg de Phalerus, joignant le temple de Scirus. Et si dit on, que la feste que lon nomme Cybernesia, c'est à dire, la feste des patrons des navires, se celebre en leur honneur.

XXI. APRÈS donc que le sort eust esté tiré, Theseus prenant avec luy ceulx sur qui il estoit tumbé, s'en alla du palais au temple nommé Delphinion, offrir à Apollo pour luy et pour eulx l'offrande de supplication, que lon nomme Hiceteria, qui estoit un rameau de l'olive sacrée entortillé à l'entour de laine blanche : et après avoir

'Le Prytanée, lieu où les magistrats d'Athènes s'assembloient.

faict sa priere, descendit sur le bord de la mer pour s'embarquer le sixieme jour du mois de mars, duquel on envoye encores aujourd'huy en ce mesme temple de Delphinion les jeunes filles, pour y faire leurs prieres et oraisons aux dieux : mais on dit que l'oracle d'Apollo en la ville de Delphes luy avoit respondu, qu'il prinst Venus pour sa guide, et qu'il la reclamast pour le conduire en son voyage: à l'occasion dequoy il luy sacrifia une chevre sur le bord de la mer, laquelle on trouva s'estre soudainement tournée en un bouc, et que c'est la cause pour laquelle on surnomme celle deesse Epitragia, comme qui diroit, la deesse du bouc.

il

XXII. Au reste quand il fut arrivé à Candie, y tua le Minotaure, ainsi que la plus part des autheurs anciens l'escrit, avec le moyen que luy bailla Ariadne, laquelle estant devenue amoureuse de luy, luy donna un peloton de fil, à l'aide duquel elle luy enseigna qu'il pourroit facilement issir des tours et destours du Labyrinthe: et disent

qu'ayant occis le Minotaure, il s'en retourna dont il estoit party, emmenant quand et luy les autres jeunes enfans d'Athenes, et Ariadne aussi. Pherecides dit davantage, qu'il brisa et gasta les quilles et carenes de tous les vaisseaux de Candie, à fin que lon ne les peust soubdainement poursuivre : et Demon escrit, que Taurus, capitaine de Minos, fut par Theseus occis dedans le port mesme, en combatant, ainsi comme ilz estoient tous prests à faire voile. Toutefois Philochorus raconte que le roy Minos ayant faict ouvrir les jeux, ainsi qu'il avoit accoustumé tous les ans, en l'honneur et memoire de son filz, chascun commencea à porter envie à ce capitaine Taurus, pource que lon s'attendoit bien qu'il en emporteroit encore le prix, comme il avoit faict ès années precedentes, avec ce que son auctorité le rendoit mal voulu, à cause qu'il estoit homme superbe, et si le souspeçonnoit on qu'il entretenoit la royne Pasiphaé. Parquoy, quand Theseus vint à demander le combat contre luy, Minos le luy ottroya facilement. Et estant la coustume en Candie, que les dames se trouvoient aux esbatemens publiques, et assistoient à veoir les jeux, Ariadne se trouvant à ceulx là, y fut esprise de l'amour de Theseus, le voyant si beau, et si adroict à la lucte, qu'il surmonta tous ceulx qui se presenterent pour lucter. Et le roy mesme Minos fut si joyeux de ce qu'il avoit osté l'honneur au capitaine Taurus, qu'il le renvoya franc et quitte en son païs, en luy rendant aussi les autres prisonniers Atheniens, et remettant, pour

mour de luy, à la ville d'Athenes ce tribut qu'elle luy devoit payer.

XXIII. MAIS Clidemus conte ces choses d'une autre et toute differente sorte, bien particulierement, en recherchant le commencement de plus hault. Car il dit, qu'il y avoit lors une ordonnance generale par toute la Grece, qui defendoit à toute maniere de gens, de faire voile en vaisseau où il y eust plus de cinq personnes, excepté à Jason seul, qui fut esleu capitaine de la grande nef d'Argo, avec commission d'aller çà et là, pour oster et chasser tous les coursaires et larrons escumans la mer : et que Dædalus s'en estant fouy de Candie à Athenes dedans un petit bateau, Minos contre les défenses publiques, le voulut poursuivre avec une flotte de plusieurs vaisseaux à rames, mais qu'il fut jetté par la tourmente en la coste de la Sicile, là où il deceda. Depuis son filz Deucalion estant griefvement courroucé contre les Atheniens, les envoya sommer de luy rendre Dædalus, ou autrement qu'il feroit mourir les enfans qui avoient esté baillez en ostage à Minos son pere dequoy Theseus s'excusa, disant qu'il ne pouvoit abandonner Dædalus, attendu qu'il luy tenoit de si près, comme d'estre son cousin germain, pource qu'il estoit filz de Merope, fille d'Erechtheus mais ce pendant il feit secrettement faire plusieurs vaisseaux, partie dedans l'Attique mesme, au bourg de Thymetades, arriere des grans chemins passans, et partie aussi en la ville de Troezene par l'entremise de son ayeul Pitheus,