Qamor mi de plana e daura
Mon cantar qe de leis mou
Cui iois manten egouerna.

Totz iorn meillur et esmeri
Qar la gensor am e coli
Del mond ço dic en apert
Sieu sui del pe tro el cima
E si tot uenta freig aura
Lamor qinz el cor mi ploa
Miten caud o plus iuerna. fol. 28 a.

Mil messa naug e proferi
E faz lum de cera e doli
Qe deus midon bon eissert
Deleis on non ual escrima
E qant remir sa crines aura
El cors qes galiara e nuou
Mais lam qe qim des lucerna.

Tant lam de cor elaqueri
Qe trop uoler cuch gelam toli
Som re per sobramar pert
Lomeu cor sobre tracima
El seu sobretoz ses saura
Tant na de uer fach renoui
Qobra dorna e tauerna.

Nom uoilh deroma lemperi
Ni qom men faza apostoli
Qen leis non aia reuert
Per cui mard locor em- rima
E sel maltraig non restaura
Ab un baisar anz dan nou
Mi aucie e si enferna.