3.

Fans n'creux so les vingt-qwate ârtiques,
A nos gablous dinans cangi.

Qui vos vaissaux, qui nos fabriques,
Si loukess' comm' dè mèm' pays.

Qui l'commerc' comm' les ond' dè l'Mouse
Poïe corri d'Dinant à Venlo

Sins qui rin n'arrestaie si coûse!

Dè l'liberté ! rimettans-nos!

4.

Chascuenn' po s'compte on court co l'chance

D'ess' in' fefe è traite attaqué.

Serrés essônn', noss' résistance
Freut pinser lon d'vant dè risquer.
Foù d'la viquans à noss' manìre,
Jaspinans suvans nos vis spots,
Poirtans l'respect à deux bannires,
Et l'fat insi! rimettans nos !

5.

C'est l'ang' gardien di noss' patreie
Qui po l'païe a parlé l'prumi.
Les peupe à s'voix prustet l'oreie:

C'est l'échò peur de l'vox Deï.

Guilleaume a v'nou, suvant l'bonn' voïe
Et l'cour diboerdant à grands flots,
A pid d'noss Perron poerter l'joïe
Tot repetant rimettans-nos!

M. THIRY.

ON VI MOHON.

Fâve.

On vi mohon maigue et peneud
Fan l' boul' di lurçon di s' plumège
Ax joûs d' nivaïe et d' grigneux freud
Pilev' misére et s' fllaw' chiptège.
I v' név' tot hestant so les sous,
I r'queréve on placard d'ansenne,
Qu'in ètiqu' chiva hoyev' fous

Tot sechant s' chège à s' fend' li screnne.
On cotî n' nava compassion

(Baîcôp creuront qui c'nest nin vraie)

Et tos les joûs noss' pauv' crition

Trova d' quoi fer in' crâsse heuraie.
On li trûlév' des ress' di pan

Qu'on mahîv' di chenne et d' crompires,
Si bin qu'on joû tot digèrant

I r'trova ses veyès manires.
Li critiqu' rihappa s' terrain,

I r' divna comme on qwereu d' plèce:
Pus rin n'esteut ni bon ni bin
Les abus li fi tourner l' tiesse.
Desmitant pôr vorla l' prétimps :
On viér, in mohe, ine abalowe,
Et nos napai foù d' ses tourmints

Fila s' coton tot hoyant s' cowe.
I n'rivna nin n' feie so l' teutai
Wiss' qui rattindév' li becheïe
Et qui tant d' nutt' conte on houssai
Et cont' li glèc' li spagna l' veie.
On l' veya porsûr les colons

Di s' sâveur po l' zî rayï n' plomme;
I fat s' nid haut, d' seu l' soû d'aplomb,
Et går la gâr po çou qui tomme.
Ax moumints de l' boutâh' des peus,
Ah! St-Servâ! poreut-on l'creure?
Si fourit lu, lu l' mâva gueux,
Què n' nè r' qwera l' prumi l' prîmeure.
Nol selîh' ni polév' mawri;
Si vitt' qu'on costé div'név' roche
Il adawév' nos mal appris

Qu' allév' mett' si bèche è caroche.

Di pus, âh l'calin! ah l'cabai!
Po fer bisquer li cotieresse

C'esteut â pu bai de cothai

Qui v'név' tot côp fiestî s'maîtresse.
Nos coti s'happa po les ch'vets

Tot d'hant: fat-i qu'on s' fait ga vique?

I vola mêm' tirer après.....

Mais valév'-t-i bin l'côp d' fisique?

On s' digostreut de fer de bin;

On n'attrap' sovint k' des mâx d' tiesse.
Qwerez et vos trouvrez surmint

Des grands portraits d' noss' pitit' biesse.

M. THIRY.

LI WALLON D' LIGE.

Boutâde.

Chaqu' peûp' si fait honneûr de l'viess di s' l'ingage;
Chascueun' voreut qui l'sonk marquah de prumir age. ;
Et sins l' tour di Babel qui les a tos k'mahi

On trouv'reut, d'het-i tos, qui l' leur esteut l' prumî.
I brâqu'let tos: l'Coquai, l'pér de doz', c'est l'ci d'Lige!
Les aut' ni sont k'des coh' qu'on za greffi so s'tîge;
Et les prumîr' parole après li création,

Qui l'bon Diu prononça, fourî de franc Wallon!
Je l'va so l'côp prover, mî qui l'Acadèmeie

Ni proûv' qui Charlemagne es-t-in èfant d'Joupeie.
Adam, noss' prumî pére, aveut on grand jârdin.
Qui d'név à fait d'frutiég' cou qui gnaveu d'pus fin.
Qwand ji dis qu'il aveut, j'ètinds li jouissance,
Ca d'aduser à rin in' oisév fer l'èqwance,
Di puss, on lî d'findév' tot songeant â pu bai
De mie avu l'pinsaie don p'tit côp d'warloquai.
Les Saint ès' Écritur' et nota li Genese,
Provet qui mi argumin ni s'èmanch' nin ès coesse.
A l' choleûr de solo qui v'név' d'ess' sitrumé,
Qui n'esteut nin comme hoûïe à moiteie digòmé,
(Les savants ricnohet qui s'visège a n'gross' tèche
Qui c'n'est k'd'accostumanc' qui so n' jambe i s'kisèche,
Et d'het qu' l'osté qui vint prouvret k' vàt tot à pus

Les pônn' de n'nè fer n'leune ou de l'tapper à r'bus)
Adam sinta qui s'coirps d'in' doûç' fìv' trèfiléve,
Li d'zîr di s'soulager est si esprit caboléve:

:

I gastaie avou n' pomm' qui Eve aveut s'tu côper,
Mais volla l' prumî côp, so l' chaud fait, attrappé !
Il ava de guignon, on s' plaît quéqu' feie à dire
Rir' c'est rir', mais coula c'est po l'bon, c'n'est pu rire;
I fât s' trover divins l'cas: et son d'vév' kichessì
Tos les cis quel' mêm' plèce ârît fait l' mêm' pechì,
On zâreût belle à fer, ca ji k'noh bin pau d'homme
Qui n' si ragostri co de tourçon d'inn téll' pomme!
Enfin li p'tit' mâkul c'est qui c'esteut d'findou,
Et qui n'a pris nou timps po mostrer qu'ça n'si pou.
Noss' Signeûr qu'aveut s' vîr vola lî d'ner n' tompaine.
A c' t'heur, fàssé mouton, ji v'tricotret voss' laine!
Et volla tot mâva qu'il inteûre è jardin !

Mais l'fivreux, tout peneud, ficha l'camp lestemint.
Tot qwerant à s'cachì conte on bouhon d'digniesse.
On mot v❜lestenat net: Adam! Adam! û biesse!
U biesse? Eh bin, n'est-ç' nin l'fèn' fleûr di mots wallons?
Ces mots la n'sont wair dit à nos vîs Eburons,
Mais zell' po des aut' peûp' les ont craqués cint feies,
Et qwand i n'houtî nin, tot piçant leus oreies,
Eun'! deux! parez ciss' lall'? En avant l'molinet!
On v'les tricnottév' deûr comme on crahlî s'bidet!
Houïe, à côp à ferri, serîgne ecco pareie?

Je l'creus, et si jamâïe on n'nè vout à l'Patreie,
Nos irans s'ta l' frontire et tot strindant nos rangs,
No frans co petter I'mot qu'arresta l'pauv' Adam.

M. THIRY.